Micheal Jordan бол Домог

1963-н оны 2-р сарын 17нд New York, Brooklyn - д төрсөн. өндөр 198см, жин 98кг, Хамгаалагч, Дугаарууд: 23, 45, 12, 9, 5, 1984 онд Драфтын 1-ээр NBA - ирээд Chicago Bulls - ээс тоголж анхныхаа гарааг эхэлсэн. Chicago Bulls - д 1984-1993, 1995-1998 онуудад тоглож байсан ба Washington Wizards - с 2001-2003-н онуудад тоглож байсан. Тэрээр нийт 32,292 оноо авч, 6,672 удаа самбараас бөмбөг авч, 5,633 удаа оновчтой дамжуулалт өгч байжээ.

Түүний гаргасан амжилтууд:

* 6x NBA Champion (1991, 1992, 1993, 1996, 1997, 1998)
* 5x NBA MVP (1988, 1991, 1992, 1996, 1998)
* 14x NBA All-Star (1985-1993, 1996-1998, 2002-2003)
* 6x NBA Finals MVP (1991-1993, 1996-1998)
* 1x NBA Defensive Player of the Year (1988)
* 10x All-NBA First Team Selection (1987-1993, 1996-1998)
* 1x All-NBA Second Team Selection (1985)
* 9x NBA All-Defensive First Team Selection (1988-1993, 1996-1998)
* 1985 NBA Rookie of the Year
* 1985 NBA All-Rookie Team
* 3x NBA All-Star Game MVP (1988, 1996, 1998)
* 2x NBA Slam Dunk Contest winner (1987, 1988)
* NBA's 50th Anniversary All-Time Team
* 1x NCAA Men's Basketball Champion (1982)
* 1982 ACC Freshman of the Year
* 1x ACC Men's Basketball Player of the Year (1984)
* 1x USBWA College Player of the Year (1984)
* 1x Naismith College Player of the Year (1984)
* 1x John R. Wooden Award (1984)
* 1x Adolph Rupp Trophy (1984)
* 1991 Sports Illustrated Sportsman of the Year
* 2000 ESPY Athlete of the Century
* 1990s ESPY Male Athlete Decade Award
* 1990s ESPY Pro Basketballer Decade Award

Спрайт лигийнхэн Америкчуудтай амжилттай тоголлоо

2-р сарын 9-ний өдөр зохиогдсон, энхтайваны корпусын шугамаар манай оронд ирээд байгаа АНУ-ын Охайо мужийн сагсан бөмбөгийн багтай “Спрайт” лигийн шигшээ баг тун амжилттай тоголж нэлээд олон онооны зөрүүтэй манай шигшээ баг хожилоо. Уг тэмцээнд: Спрайт лигийн шигшээ багт лигийн тэргүүн тоглогч Ж.Майбаяр, Б.Пүрэвдорж (хоёул “Скайтелийн шонхорууд”), дээд лигт тоглож байсан Ш.Гүнсэнхорол, Х.Хүлэг-Эрдэнэ (хоёул “Хасу мегаватт”), П.Цолмонбаатар (Таван цагариг), Б.Даваадорж (ТЭЦ-IV) болон Лигдэн (Сак гуард), Нэмэхбаяр (Налайх Вулвс), Б.Зоригт (Мон асиа моторс) нар тоголлоо.

Энэ өдөр монголын эмэгтэй сагсан бөмбөгийн томоохон 3-н баг болоx МУЙС, ТИС, Худалдаа 3-ийн дунд зохиогдсон бооцоот тэмцээн мөн амжилттай болж өнгөрсөн бөгөөд Цэвэрбал дасгалжуулагчтай Худалдаа үйлдвэрлэлийн дээд сургуулийн баг хожил байгууллаа.

Сэнгүр Лигийн 2-р тойргийн тоглолтууд эхэллээ

МСБХ ны Сэнгүр Лигийн хоёрдугаар тойргийн эхний тоглолт 2 сарын 11 нд Ёлууд ба Шарксын хооронд боллоо. Тоглолт эхний үеээсээ л шийдэгдсэн гэхэд болно. Эхний үед Ёлууд 31 оноо авсан бол Шаркс 10 оноо авчээ. Тоглолт өндөрлөхөд тооны харьцаа 92-81 болж Ёлууд ээлжит ялалтаа авсан. Ёлуудаас нийт 6 тоглогч оноо авсан ба хамгийн өндөр оноог Д.Мөнхтүвшин 24 ийг авсан. Харин Шарксаас Ц.Ганболд 24 оноо + 11 самбар авсан үзүүлэлтээр багаа тэргүүлжээ.

Тус өдрийн дараагийн тоглолт тун сонирхолтой болов. Хүлэгүүд ба МБМ хоорондоо тааран тоглов. Тоглолтын эхний үед хоёр баг тэнцүүхэн өрсөлдөж 21 оноог багууд тус бүртээ авсан бол эхний хагасын дараа МБМ 52 – 40 ийн харьцаатай хошуучлав. Харин тоглолтын их завсарлагааны дараагаар Хүлэгүүд бага багаар оноог ойртуулан гуравдугаар үед 5 оноогоор ойртуулж 67 – 62 болгов. Энэ үед Хүлэгүүдээс Ц.Мэргэн хамгийн үр бүтээлтэй тоглосон ба сэлгээгээр А.Одын оронд гарч ирсэн Г.Нямбаяр тун сайн тоглож хэрэгтэй 7 оноог энэ үед авав. Шийдвэрлэх дөрөвдүгээр үед МБМ ийн дасгалжуулагч хамгаалалтандаа анхаарахын оронд хэтэрхий их довтолгоонд анхаарсан нь тоглолтын хувь заяаг Хүлэгүүдийн гарт өгчихөв. Хүлэгүүд 85 – 81 аар хошуучилж байх үед МБМ ийн довтлогч 3 онооны шидэлт амжилттай гүйцэтгэснээр цаг дуусан 85 – 84 аар Хүлэгүүд ээлжит хожлоо аван ганцхан хожигдолтойгоор лигийг тэргүүлсэн хэвээр үлдэв. МБМ ийн лидер тоглогч Н.Золжаргал 16 оноо + 7 самбараас авсан бол Б.Бямбанаран 19 оноо + 8 самбар гэсэн үзүүлэлтээр багаа тэргүүлжээ. Хүлэгүүдээс Ц.Мэргэн 29 оноо + 6 самбар + 5 бөмбөг таслалт гүйцэтгэв.

Хоёрдугаар тойргийн эхний өдрийн тоглолтын сүүлийнх нь Халлелуяа ба Буллзын хооронд өрнөв. Сонирхолтой тоглолт өрнөнө байх гэж үзэгчдийн таамаглаж байсан нь ч талаар болсонгүй. Тоглолтын эхний хагасын дараагаар Халлелуяа 43 – 39 аар тэргүүлэв. Ц.Шаравжамцыг хамгаалах үүрэг хүлээсэн Б.Түмэнжаргал 4 алдаа аван хоёрдугаар үеээс сэлгээнд суусан нь том гарз болов. Тоглолтын эхнээс л прессинг хийж тоглодог Халлелуяа үр дүнгээ өгсөн нь энэ байв. Буллзын тоглогчид сандарч буруу хүн рүү дамжуулах, дамжуулалтаа таслуулах зэргээр паниктаж байв. Харин хоёрдугаар хагаст Буллзынхан харьцангуй тайван тоглож оноог 65 – 62 болгож өөрийн талд эргүүлэв. Ингээд шийдвэрлэх үе эхлэхэд Буллзын сэлгээний тоглогч Б.Даваажав гарч ирэн алсын зайнаас 5 шидэж 4 ийг нь оновчтой болгосноор онооны харьцааг улам холдуулсан ба энэ үед Халлелуяагийн довтолгоо ч олигтой явсангүй. Ингээд 91 – 71 ийн харьцаатайгаар Буллз ээлжит ялалтаа байгуулж Хүлэгүүдийн араас нэхэж байгаа бол Халлелуяа сүүл мушгиж байна.

Буллз: Ц.Шаравжамц 27 оноо + 5 самбар, Д.Бат-Орших 18 оноо + 12 самбар, М.Цогтбаатар 16 оноо + 9 самбар
Халлелуяа: О.Золзаяа 25 оноо, 5 самбар, 5 бөмбөг таслалт, З.Доржсүрэн 17 оноо, 7 самбар, Ш.Сэдбазар 11 оноо, 2 самбар